21-06- 2025
TV9 Punjabi
Author: Rohit
ਦਿੱਗਜ ਅਦਾਕਾਰ ਧਰਮਿੰਦਰ ਇੱਕ ਅਜਿਹਾ ਵਿਅਕਤੀ ਹੈ ਜੋ ਆਪਣੇ ਪਰਿਵਾਰ ਨੂੰ ਆਪਣੇ ਨਾਲ ਲੈ ਕੇ ਚੱਲਦਾ ਹੈ। ਉਨ੍ਹਾਂ ਦੇ ਦੋਵੇਂ ਪੁੱਤਰ ਸੰਨੀ ਦਿਓਲ-ਬੌਬੀ ਦਿਓਲ ਵੀ ਆਪਣੇ ਪਰਿਵਾਰ ਦਾ ਬਹੁਤ ਸਤਿਕਾਰ ਕਰਦੇ ਹਨ।
ਇਸ ਗੱਲ ਦਾ ਸਬੂਤ ਕਈ ਵਾਰ ਦੇਖਿਆ ਗਿਆ ਹੈ ਕਿ ਸੰਨੀ ਅਤੇ ਬੌਬੀ ਆਪਣੇ ਪਿਤਾ ਦਾ ਕਿੰਨਾ ਸਤਿਕਾਰ ਕਰਦੇ ਹਨ। ਦੋਵੇਂ ਪੁੱਤਰ ਆਪਣੇ ਪਿਤਾ ਦੇ ਸਾਹਮਣੇ ਬੋਲਦੇ ਵੀ ਨਹੀਂ ਹਨ।
ਸਲਮਾਨ ਖਾਨ ਧਰਮਿੰਦਰ ਦੇ ਦਿਲ ਦੇ ਬਹੁਤ ਨੇੜੇ ਵੀ ਹਨ। ਇੰਨਾ ਹੀ ਨਹੀਂ, ਸਲਮਾਨ ਖਾਨ ਧਰਮਿੰਦਰ ਨੂੰ ਆਪਣੇ ਪਿਤਾ ਦਾ ਦਰਜਾ ਵੀ ਦਿੰਦੇ ਹਨ ਅਤੇ ਉਨ੍ਹਾਂ ਦਾ ਬਹੁਤ ਸਤਿਕਾਰ ਕਰਦੇ ਹਨ।
ਸਲਮਾਨ ਇਹ ਵੀ ਕਹਿੰਦੇ ਹਨ ਕਿ ਉਹ ਆਪਣੇ ਆਪ ਨੂੰ ਦਿੱਗਜ ਅਦਾਕਾਰ ਦਾ ਤੀਜਾ ਪੁੱਤਰ ਮੰਨਦੇ ਹਨ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਧਰਮਿੰਦਰ ਆਪਣੇ ਪੁੱਤਰਾਂ ਨਾਲੋਂ ਸਲਮਾਨ 'ਤੇ ਜ਼ਿਆਦਾ ਭਰੋਸਾ ਕਰਦੇ ਹਨ।
ਦਰਅਸਲ, ਧਰਮਿੰਦਰ ਨੂੰ ਇੱਕ ਵਾਰ ਪੁੱਛਿਆ ਗਿਆ ਸੀ ਕਿ ਜੇਕਰ ਉਨ੍ਹਾਂ ਦੀ ਜ਼ਿੰਦਗੀ 'ਤੇ ਕੋਈ ਫਿਲਮ ਬਣਦੀ ਹੈ, ਤਾਂ ਉਹ ਕਿਸ ਅਦਾਕਾਰ ਨੂੰ ਉਸ ਵਿੱਚ ਆਪਣੀ ਭੂਮਿਕਾ ਨਿਭਾਉਂਦੇ ਦੇਖਣਾ ਪੰਸਦ ਕਰਨਗੇ।
ਧਰਮਿੰਦਰ ਨੇ ਨਾ ਤਾਂ ਸੰਨੀ ਦਿਓਲ ਦਾ ਨਾਮ ਲਿਆ ਅਤੇ ਨਾ ਹੀ ਬੌਬੀ ਦਿਓਲ ਦਾ। ਉਹਨਾਂ ਨੇ ਬਿਨਾਂ ਕਿਸੇ ਦੇਰੀ ਦੇ ਸਲਮਾਨ ਖਾਨ ਦਾ ਨਾਮ ਲਿਆ।
ਜੇ ਧਰਮਿੰਦਰ ਦੀ ਗੱਲ ਮੰਨੀਏ ਤਾਂ ਉਹ ਸਲਮਾਨ ਖਾਨ ਵਿੱਚ ਆਪਣੇ ਨੌਜਵਾਨ ਧਰਮਿੰਦਰ ਨੂੰ ਦੇਖਦੇ ਹਨ। ਉਹਨਾਂ ਨੂੰ ਲੱਗਦਾ ਹੈ ਕਿ ਸਲਮਾਨ ਉਹਨਾਂ ਦੀ ਬਾਇਓਪਿਕ ਵਿੱਚ ਬਹੁਤ ਵਧੀਆ ਕੰਮ ਕਰ ਸਕਣਗੇ।