11-02- 2025
TV9 Punjabi
Author: Isha Sharma
ਟੀਵੀ ਅਦਾਕਾਰਾ ਸਰਗੁਣ ਮਹਿਤਾ ਇਨ੍ਹੀਂ ਦਿਨੀਂ ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਕਾਫ਼ੀ ਹਿੱਟ ਹੈ। ਇੱਥੇ ਅਦਾਕਾਰਾ ਦਾ ਸਟਾਰਡਮ ਵੱਖਰਾ ਹੈ।
ਸਰਗੁਣ ਦੇ ਕਰੀਅਰ ਵਿੱਚ ਇੱਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਉਨ੍ਹਾਂ ਦੇ ਸਾਰੇ ਸੀਰੀਅਲ ਅਸਫਲ ਹੋ ਰਹੇ ਸਨ। ਅਦਾਕਾਰਾ ਨੂੰ ਹਰ ਪਾਸੇ ਤੋਂ Failure ਮਿਲ ਰਿਹਾ ਸੀ।
ਫਿਰ ਅਦਾਕਾਰਾ ਨੂੰ ਇੱਕ ਪੰਜਾਬੀ ਫਿਲਮ ਮਿਲੀ ਜਿਸ ਕਾਰਨ ਕਿਸਮਤ ਬਦਲ ਗਈ। ਆਓ ਜਾਣਦੇ ਹਾਂ ਸਰਗੁਣ ਦੀ ਕਿਸਮਤ ਕਿਵੇਂ ਬਦਲੀ?
ਸਰਗੁਣ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਉਨ੍ਹਾਂ ਨੇ ਇੱਕ ਵਾਰ ਪੰਜਾਬੀ ਅਦਾਕਾਰਾ ਨੀਰੂ ਬਾਜਵਾ ਨੂੰ ਦੇਖਿਆ ਸੀ। ਦੇਖਿਆ ਕਿ ਲੋਕ ਨੀਰੂ ਦੀ ਕਿਵੇਂ ਤਾਰੀਫ਼ ਕਰ ਰਹੇ ਸਨ।
ਸਰਗੁਣ ਨੇ ਦੱਸਿਆ ਕਿ ਉਨ੍ਹਾਂ ਨੇ ਉਸੇ ਦਿਨ ਹੀ ਫੈਸਲਾ ਕਰ ਲਿਆ ਸੀ ਕਿ ਉਹ ਪੰਜਾਬੀ ਇੰਡਸਟਰੀ ਦਾ ਚਮਕਦਾ ਸਿਤਾਰਾ ਬਣਨਾ ਚਾਹੁੰਦੀ ਹੈ। ਇਸ ਲਈ ਉਨ੍ਹਾਂ ਨੇ ਬਹੁਤ ਮਿਹਨਤ ਕੀਤੀ।
ਪੰਜਾਬੀ ਫ਼ਿਲਮ ‘ਅੰਗਰੇਜ਼’ ਨੇ ਉਨ੍ਹਾਂ ਦੀ ਕਿਸਮਤ ਬਦਲ ਦਿੱਤੀ। ਸਰਗੁਣ ਨੇ ਦੱਸਿਆ ਕਿ ਉਹ ਦਿਲਜੀਤ ਦੋਸਾਂਝ, ਗਿੱਪੀ ਗਰੇਵਾਲ ਅਤੇ ਅਮਰਿੰਦਰ ਗਿੱਲ ਨਾਲ ਕੰਮ ਕਰਨਾ ਚਾਹੁੰਦੀ ਸੀ।
ਇਸ ਲਈ ਸਰਗੁਣ ਨੇ ਨਾ ਸਿਰਫ਼ ਪੰਜਾਬੀ ਸਿੱਖੀ ਸਗੋਂ ਆਪਣੀ ਅਦਾਕਾਰੀ ਨੂੰ ਵੀ ਬਹੁਤ ਨਿਖਾਰਿਆ। ਅੱਜ ਸਰਗੁਣ ਪੰਜਾਬ ਦੀਆਂ ਸਭ ਤੋਂ ਵਧੀਆ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ।