10-09- 2024
TV9 Punjabi
Author: Isha Sharma
ਰਾਧਾ-ਕ੍ਰਿਸ਼ਨ ਦੇ ਪਿਆਰ ਨੂੰ ਭਾਰਤੀ ਮਿਥਿਹਾਸ ਵਿੱਚ ਸਭ ਤੋਂ ਮਸ਼ਹੂਰ ਅਤੇ ਅਮਰ ਪਿਆਰ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਦਾ ਪਿਆਰ ਨਾ ਸਿਰਫ਼ ਮਨੁੱਖੀ ਪਿਆਰ ਦਾ ਪ੍ਰਤੀਕ ਹੈ ਸਗੋਂ ਰੱਬੀ ਪਿਆਰ ਦਾ ਵੀ ਪ੍ਰਤੀਕ ਹੈ। ਉਨ੍ਹਾਂ ਦੇ ਪਿਆਰ ਵਿੱਚ ਪਵਿੱਤਰਤਾ, ਸਮਰਪਣ ਅਤੇ ਕੁਰਬਾਨੀ ਸਭ ਕੁਝ ਸੀ।
ਸ਼੍ਰੀ ਕ੍ਰਿਸ਼ਨ ਅਤੇ ਰਾਧਾ ਦਾ ਪਿਆਰ ਮਨੁੱਖੀ ਪਿਆਰ ਤੋਂ ਬਹੁਤ ਉੱਪਰ ਅਤੇ ਅਧਿਆਤਮਿਕ ਪਿਆਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਦੇ ਪਿਆਰ ਵਿੱਚ ਗਹਿਰਾਈ ਅਤੇ ਕੁਰਬਾਨੀ ਭੋਤਿਕ ਸੰਸਾਰ ਤੋਂ ਪਰੇ ਹੈ।
ਇਨ੍ਹਾਂ ਦੋਹਾਂ ਵਿਚਕਾਰ ਇੰਨਾ ਪਿਆਰ ਸੀ, ਫਿਰ ਵੀ ਉਹ ਸਾਰੀ ਉਮਰ ਇਕੱਠੇ ਨਹੀਂ ਰਹਿ ਸਕੇ। ਇਸ ਦੇ ਪਿੱਛੇ ਇੱਕ ਮਿਥਿਹਾਸਕ ਕਹਾਣੀ ਹੈ ਕਿ ਰਾਧਾ ਅਤੇ ਸ਼੍ਰੀ ਕ੍ਰਿਸ਼ਨ ਦੇ ਵੱਖ ਹੋਣ ਦਾ ਕਾਰਨ ਇੱਕ ਸਰਾਪ ਸੀ।
ਕਥਾ ਦੇ ਅਨੁਸਾਰ, ਇੱਕ ਵਾਰ ਭਗਵਾਨ ਸ਼੍ਰੀ ਕ੍ਰਿਸ਼ਨ ਰਾਧਾ ਦੀ ਗੈਰ-ਮੌਜੂਦਗੀ ਵਿੱਚ ਵਿਰਜਾ ਨਾਮਕ ਗੋਪੀ ਦੇ ਨਾਲ ਵਿਹਾਰ ਕਰ ਰਹੇ ਸਨ।
ਜਦੋਂ ਰਾਧਾ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹ ਬਹੁਤ ਗੁੱਸੇ ਵਿੱਚ ਆ ਗਈ ਅਤੇ ਉਸਨੇ ਵਿਰਜਾ ਨੂੰ ਇੱਕ ਗਰੀਬ ਬ੍ਰਾਹਮਣ ਦੇ ਰੂਪ ਵਿੱਚ ਧਰਤੀ ਉੱਤੇ ਦੁੱਖ ਭੋਗਣ ਦਾ ਸਰਾਪ ਦਿੱਤਾ।
ਸ਼੍ਰੀ ਕ੍ਰਿਸ਼ਨ ਦੇ ਮਿੱਤਰ ਸ੍ਰੀਧਾਮਾ ਵੀ ਇਸ ਘਟਨਾ ਨੂੰ ਦੇਖ ਰਹੇ ਸੀ। ਉਨ੍ਹਾਂ ਨੂੰ ਰਾਧਾ ਦਾ ਵਿਵਹਾਰ ਪਸੰਦ ਨਹੀਂ ਸੀ, ਇਸ ਲਈ ਉਨ੍ਹਾਂ ਨੇ ਰਾਧਾ ਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਰਾਧਾ ਬਹੁਤ ਗੁੱਸੇ ਵਿੱਚ ਸੀ ਅਤੇ ਉਨ੍ਹਾਂ ਨੇ ਸ੍ਰੀਧਾਮਾ ਨੂੰ ਅਸੁਰ ਕਬੀਲੇ ਵਿੱਚ ਪੈਦਾ ਹੋਣ ਦਾ ਸਰਾਪ ਦਿੱਤਾ।
ਰਾਧਾ ਦੇ ਇਸ ਵਤੀਰੇ ਨੂੰ ਦੇਖ ਕੇ ਸ੍ਰੀਧਾਮਾ ਨੇ ਵੀ ਰਾਧਾ ਨੂੰ ਸਰਾਪ ਦਿੱਤਾ ਕਿ ਭਗਵਾਨ ਕ੍ਰਿਸ਼ਨ ਨੂੰ ਪਿਆਰ ਕਰਨ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਕ੍ਰਿਸ਼ਨ ਤੋਂ ਵਿਛੋੜੇ ਦਾ ਸੰਤਾਪ ਭੋਗਣਾ ਪਵੇਗਾ। ਕਿਹਾ ਜਾਂਦਾ ਹੈ ਕਿ ਸੁਦਾਮਾ ਦੇ ਇਸ ਸਰਾਪ ਕਾਰਨ ਰਾਧਾ ਕ੍ਰਿਸ਼ਨ ਆਪਣੇ ਅਟੁੱਟ ਪਿਆਰ ਦੇ ਬਾਵਜੂਦ ਇਕੱਠੇ ਨਹੀਂ ਰਹਿ ਸਕੇ।