28-08- 2024
TV9 Punjabi
Author: Isha Sharma
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਪਤਾ ਇੱਕ ਵਾਰ ਫਿਰ ਬਦਲਣ ਜਾ ਰਿਹਾ ਹੈ। ਹੁਣ ਉਹ ਪ੍ਰਾਈਵੇਟ ਨਹੀਂ ਸਗੋਂ ਸਰਕਾਰੀ ਘਰ ਵਿੱਚ ਰਹਣਗੇ।
ਜਿਸ ਘਰ ਵਿੱਚ ਸੀਐਮ ਭਗਵੰਤ ਮਾਨ ਹੁਣ ਰਹਿਣ ਜਾ ਰਹੇ ਹਨ ਉਹ ਕੋਠੀ 1841 ਵਿੱਚ ਬਣੀ ਸੀ।
ਇਹ ਕੋਠੀ ਪਹਿਲਾਂ ਬ੍ਰਿਟਿਸ਼ ਕਮਿਸ਼ਨਰ ਸਰ ਜੌਹਨ ਲਾਰੈਂਸ ਦੀ ਰਿਹਾਇਸ਼ ਸੀ। ਬਾਅਦ ਵਿੱਚ ਡਿਵੀਜ਼ਨਲ ਕਮਿਸ਼ਨਰ ਨੇ ਇਸ ਇਮਾਰਤ ਵਿੱਚ ਰਹਿਣਾ ਸ਼ੁਰੂ ਕਰ ਦਿੱਤਾ।
ਹੁਣ ਤੱਕ ਸੀਐਮ ਭਗਵੰਤ ਸਿੰਘ ਮਾਨ ਜਲੰਧਰ ਪੱਛਮੀ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਹੇ ਸਨ। ਉਨ੍ਹਾਂ ਦਾ ਘਰ ਕਾਫੀ ਆਲੀਸ਼ਾਨ ਹੈ। ਵਿਰੋਧੀ ਧਿਰ ਨੇ ਇਸ 'ਤੇ ਸਵਾਲ ਵੀ ਉਠਾਏ ਸਨ।
ਇਹ ਕੋਠੀ ਕਰੀਬ 11 ਏਕੜ ਜ਼ਮੀਨ 'ਤੇ ਬਣੀ ਹੋਈ ਹੈ। ਇਸ ਵਿੱਚ ਇੱਕ ਏਕੜ ਵਿੱਚ ਫੈਲੀ ਝੀਲ ਵਿੱਚ ਮੋਟਰ ਬੋਟਿੰਗ ਦੀ ਸਹੂਲਤ ਹੈ। ਇਸ ਤੋਂ ਇਲਾਵਾ ਮਹਿਲ ਦੇ ਅੰਦਰ 4 ਡਰਾਇੰਗ ਰੂਮ, 4 ਬੈੱਡਰੂਮ ਰੂਮ ਅਤੇ ਇੱਕ ਲਾਬੀ ਹੈ।
ਮੁਲਾਜ਼ਮਾਂ ਦੇ ਰਹਿਣ ਲਈ ਮਹਿਲ ਦੇ ਅੰਦਰ 10 ਫਲੈਟ ਬਣਾਏ ਗਏ ਹਨ। ਕੈਂਪਸ ਵਿੱਚ ਹੀ ਅਨਾਜ ਅਤੇ ਸਬਜ਼ੀਆਂ ਦੀ ਕਾਸ਼ਤ ਵੀ ਕੀਤੀ ਜਾਂਦੀ ਹੈ।
ਕੋਠੀ ਦੇ ਮੁੱਖ ਦੁਆਰ 'ਤੇ ਅੰਗਰੇਜ਼ਾਂ ਦੇ ਸਮੇਂ ਦੀਆਂ ਦੋ ਰਾਈਫਲਾਂ ਵੀ ਲਟਕੀਆਂ ਹੋਈਆਂ ਹਨ। ਸੀਐਮ ਭਗਵੰਤ ਮਾਨ ਆਪਣੀ ਫੈਮਿਲੀ ਨਾਲ ਇਸ ਕੋਠੀ ਵਿੱਚ ਰਹਿਣਗੇ।