24-10- 2024
TV9 Punjabi
Author: Isha Sharma
ਪਾਕਿਸਤਾਨੀ ਗਾਇਕ ਚਾਹਤ ਫਤਿਹ ਅਲੀ ਖਾਨ ਅਕਸਰ ਆਪਣੇ ਗੀਤਾਂ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਹਾਲ ਹੀ 'ਚ ਉਸ ਨੇ ਕਰਨ ਔਜਲਾ ਦਾ ਗੀਤ 'ਟੌਬਾ ਤੌਬਾ' ਰੀਕ੍ਰਿਏਟ ਕੀਤਾ ਸੀ।
ਚਾਹਤ ਦੇ ਗੀਤਾਂ ਦਾ ਹਮੇਸ਼ਾ ਮਜ਼ਾਕ ਉਡਾਇਆ ਜਾਂਦਾ ਹੈ। ਉਸ ਦਾ ਅੰਦਾਜ਼ ਹੀ ਲੋਕਾਂ ਨੂੰ ਹਸਾਉਂਦਾ ਹੈ। ਅਜਿਹੇ 'ਚ ਕਰਨ ਜੌਹਰ ਨੇ ਵੀ 'ਤੌਬਾ -ਤੌਬਾ' ਦਾ ਆਪਣਾ ਵਰਜ਼ਨ ਸੁਣ ਕੇ ਪ੍ਰਤੀਕਿਰਿਆ ਦਿੱਤੀ ਸੀ।
ਕਰਨ ਜੌਹਰ ਨੇ ਆਪਣਾ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਸੀ ਕਿ ਚਾਹਤ ਫਤਿਹ ਅਲੀ ਖਾਨ ਦਾ ਇਹ ਗੀਤ ਜ਼ਰੂਰ ਸੁਣੋ।
ਕਰਨ ਦੀ ਪ੍ਰਤੀਕਿਰਿਆ ਤੋਂ ਬਾਅਦ ਹੁਣ ਚਾਹਤ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਹੈ। ਚਾਹਤ ਨੇ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਕਿਹਾ ਹੈ ਕਿ ਅੱਜ ਦਾ ਖਾਸ ਸੰਦੇਸ਼ ਕਰਨ ਜੌਹਰ ਲਈ ਹੈ।
ਚਾਹਤ ਨੇ ਕਰਨ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ, ਹਾਲਾਂਕਿ ਅਜੇ ਕਰਨ ਦਾ ਜਨਮਦਿਨ ਨਹੀਂ ਸੀ। ਫਿਰ ਉਸਨੇ ਕਿਹਾ – ਕਰਨ ਜੌਹਰ ਸਰ, ਮੈਂ ਤੁਹਾਡਾ ਧੰਨਵਾਦੀ ਹਾਂ ਕਿ ਤੁਹਾਨੂੰ ਮੇਰਾ ਮਜ਼ਾਕ, ਮੇਰੀ ਅਦਾਕਾਰੀ ਅਤੇ ਗੀਤ ਪਸੰਦ ਆਏ।
ਕਰਨ ਜੌਹਰ ਨੂੰ ਕਿੰਗ ਮੇਕਰ ਦੱਸਦੇ ਹੋਏ ਚਾਹਤ ਫਤਿਹ ਅਲੀ ਖਾਨ ਨੇ ਕਿਹਾ- ਮੈਂ ਤਿੰਨ ਰਾਤਾਂ ਤੋਂ ਸੁੱਤਾ ਨਹੀਂ ਹਾਂ। ਤੁਸੀਂ ਮੇਰੀ ਪ੍ਰਸ਼ੰਸਾ ਕੀਤੀ, ਤੁਹਾਡਾ ਧੰਨਵਾਦ ਸਰ।
ਚਾਹਤ ਫਤਿਹ ਅਲੀ ਖਾਨ ਨੇ ਕਿਹਾ- ਤੁਹਾਡੀ ਇੱਕ ਫਿਲਮ ਵਿੱਚ ਮੁਫਤ ਕੰਮ ਕਰਨਾ ਮੈਨੂੰ ਬਹੁਤ ਖੁਸ਼ੀ ਹੋਵੇਗੀ।