10 May 2024
TV9 Punjabi
Author: Ramandeep Singh
ਭਾਰਤ ਦਾ ਗੁਆਂਢੀ ਦੇਸ਼ ਪਾਕਿਸਤਾਨ ਇਸ ਸਮੇਂ ਆਰਥਿਕ ਗਰੀਬੀ ਨਾਲ ਜੂਝ ਰਿਹਾ ਹੈ। ਪਾਕਿਸਤਾਨ ਦਾ ਜਨਮ 1947 ਵਿੱਚ ਭਾਰਤ ਦੀ ਵੰਡ ਤੋਂ ਬਾਅਦ ਹੋਇਆ ਸੀ।
ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਅੱਜ ਵੀ ਪਾਕਿਸਤਾਨ ਵਿੱਚ ਕਈ ਅਜਿਹੀਆਂ ਇਮਾਰਤਾਂ ਹਨ ਜਿੱਥੇ ਭਾਰਤ ਦਾ ਨਾਮ ਸਾਫ਼-ਸਾਫ਼ ਲਿਖਿਆ ਹੋਇਆ ਹੈ।
ਸਟੇਟ ਬੈਂਕ ਆਫ਼ ਪਾਕਿਸਤਾਨ ਮਿਊਜ਼ੀਅਮ ਅਤੇ ਆਰਟ ਗੈਲਰੀ ਕਰਾਚੀ, ਪਾਕਿਸਤਾਨ ਵਿੱਚ ਇਬਰਾਹਿਮ ਇਸਮਾਈਲ ਚੰਦਰੀਗਰ ਰੋਡ 'ਤੇ ਸਥਿਤ ਹੈ। ਪਹਿਲਾਂ ਇਸ ਇਮਾਰਤ ਦਾ ਨਾਂ ਇੰਪੀਰੀਅਲ ਬੈਂਕ ਆਫ ਇੰਡੀਆ ਸੀ, ਜੋ ਅੱਜ ਵੀ ਇਸ 'ਤੇ ਲਿਖਿਆ ਹੋਇਆ ਹੈ। ਇਹ ਬੈਂਕ 1921 ਵਿੱਚ ਇੱਕ ਅੰਗਰੇਜ਼ ਨੇ ਖੋਲ੍ਹਿਆ ਸੀ।
ਅੱਜ ਵੀ ਪਾਕਿਸਤਾਨ ਦੀਆਂ ਸਰਕਾਰੀ ਇਮਾਰਤਾਂ ਲਿਆਕਤ ਵਿੱਚ ਕਈ ਥਾਵਾਂ ’ਤੇ ਇੰਡੀਅਨ ਗਰਲਜ਼ ਹਾਈ ਸਕੂਲ ਦੇ ਬੋਰਡ ਲੱਗੇ ਹੋਏ ਹਨ। ਇਸ ਤੋਂ ਇਲਾਵਾ ਇਸ ਦੇ ਸੰਸਥਾਪਕ ਦਾ ਨਾਂ ਵੀ ਇੱਥੇ ਲਿਖਿਆ ਹੋਇਆ ਹੈ।
ਕਰਾਚੀ ਵਿੱਚ ਬਣੀ ਇਸ ਇਮਾਰਤ ਉੱਤੇ ਅਜੇ ਵੀ ਭਾਰਤ ਸਰਕਾਰ ਦਾ ਅਧਿਕਾਰ ਹੈ। ਪਹਿਲਾਂ ਇੱਥੇ ਭਾਰਤੀ ਦੂਤਾਵਾਸ ਦੇ ਲੋਕ ਰਹਿੰਦੇ ਸਨ, ਪਰ ਬਾਅਦ ਵਿੱਚ ਇਸਨੂੰ ਬੰਦ ਕਰ ਦਿੱਤਾ ਗਿਆ। ਉਦੋਂ ਤੋਂ ਇਹ ਇਮਾਰਤ ਬੰਦ ਪਈ ਹੈ ਅਤੇ ਹੌਲੀ-ਹੌਲੀ ਖ਼ਰਾਬ ਹੋ ਰਹੀ ਹੈ।