19 March 2024
TV9 Punjabi
ਸਾਬਕਾ ਭਾਰਤੀ ਕ੍ਰਿਕਟਰ ਨਵਜੋਤ ਸਿੰਘ ਸਿੱਧੂ ਆਈਪੀਐਲ 2024 ਤੋਂ ਕੁਮੈਂਟਰੀ ਦੀ ਦੁਨੀਆ ਵਿੱਚ ਮੁੜ ਤੋਂ ਐਂਟਰੀ ਕਰਨ ਜਾ ਰਹੇ ਹਨ।
ਸਿੱਧੂ IPL 2024 ਦੇ ਕੁਮੈਂਟਰੀ ਪੈਨਲ ਦਾ ਹਿੱਸਾ ਹੋਣਗੇ, ਇਹ ਜਾਣਕਾਰੀ ਸਟਾਰ ਸਪੋਰਟਸ ਨੇ ਦਿੱਤੀ ਹੈ।
ਸਟਾਰ ਸਪੋਰਟਸ ਨੇ ਸਿੱਧੂ ਦੇ ਜੁਆਇਨ ਕਰਨ ਦੀ ਖਬਰ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਕਿਸੇ ਸਿਆਣੇ ਨੇ ਕਿਹਾ ਸੀ – ਉਮੀਦ ਤੋਂ ਵਧੀਆ ਕੋਈ ਤੋਪ ਨਹੀਂ ਹੈ।
ਇੱਥੇ ਬੁੱਧੀਮਾਨ ਵਿਅਕਤੀ ਦਾ ਮਤਲਬ ਸ਼ੈਰੀ ਯਾਨੀ ਨਵਜੋਤ ਸਿੰਘ ਸਿੱਧੂ ਹੀ ਹੈ।
ਸਿੱਧੂ ਆਪਣੀ ਦਿਲਚਸਪ ਕੁਮੈਂਟਰੀ ਸ਼ੈਲੀ ਲਈ ਜਾਣੇ ਜਾਂਦਾ ਹਮ, ਜਿਸ ਵਿੱਚ ਕਵਿਤਾ ਅਤੇ ਕਈ ਦਿਲ ਜਿੱਤਣ ਵਾਲੇ ਵਨ-ਲਾਈਨਰ ਸ਼ਾਮਲ ਹੁੰਦੇ ਹਨ।
ਕ੍ਰਿਕੇਟ ਤੋਂ ਸੰਨਿਆਸ ਲੈ ਕੇ ਕੁਮੈਂਟਰੀ ਕਰਨ ਵਾਲੇ ਨਵਜੋਤ ਸਿੰਘ ਸਿੱਧੂ ਨੇ 2004 ਵਿੱਚ ਰਾਜਨੀਤੀ ਦਾ ਰੁਖ ਕੀਤਾ। ਉਹ ਅੰਮ੍ਰਿਤਸਰ ਲੋਕ ਸਭਾ ਸੀਟ ਤੋਂ ਸੰਸਦ ਮੈਂਬਰ ਰਹਿ ਚੁੱਕੇ ਹਨ।
ਇਸ ਵਾਰ ਉਹ ਲੋਕ ਸਭਾ ਚੋਣਾਂ ਤੋਂ ਦੂਰ ਰਹਿ ਸਕਦੇ ਹਨ, ਜਿਸ ਬਾਰੇ ਉਹ ਪਹਿਲਾਂ ਹੀ ਇਹ ਕਹਿ ਕੇ ਸੰਕੇਤ ਦੇ ਚੁੱਕੇ ਹਨ ਕਿ ਉਹ ਚੋਣ ਨਹੀਂ ਲੜਨਗੇ।