02-08- 2024
TV9 Punjabi
Author: Isha Sharma
ਸਾਵਣ ਮਹੀਨੇ ਦੀ ਸ਼ਿਵਰਾਤਰੀ 2 ਅਗਸਤ ਯਾਨੀ ਅੱਜ ਹੈ। ਸਾਵਣ 'ਚ ਸ਼ੁਰੂ ਹੋਈ ਕਾਂਵੜ ਯਾਤਰਾ ਸ਼ੁੱਕਰਵਾਰ ਨੂੰ ਜਲਾਭਿਸ਼ੇਕ ਨਾਲ ਸਮਾਪਤ ਹੋਵੇਗੀ।
Pic Credit: PTI
ਕਾਂਵੜੀਆਂ ਕਾਰਨ ਮਾਹੌਲ ਪੂਰੀ ਤਰ੍ਹਾਂ ਸ਼ਿਵ ਭਗਤੀ ਵਿੱਚ ਲੀਨ ਹੋ ਗਿਆ ਹੈ। ਮੰਦਰਾਂ ਵਿੱਚ ਜਲਾਭਿਸ਼ੇਕ ਲਈ ਪੂਰੇ ਪ੍ਰਬੰਧ ਕੀਤੇ ਗਏ ਹਨ।
ਕਾਂਵੜੀਆਂ ਦੇ ਸਵਾਗਤ ਲਈ ਅਤੇ ਭੋਲੇਨਾਥ ਜੀ ਦੇ ਜਲਾਭਿਸ਼ੇਕ ਲਈ ਸਵੇਰ ਤੋਂ ਹੀ ਮੰਦਰ ਸੱਜ ਚੁੱਕੇ ਹਨ।
ਇਸ ਵਾਰ ਮੀਂਹ ਘੱਟ ਪੈਣ ਕਰਕੇ ਸ਼ਿਵ ਭਗਤ ਆਪਣੀ ਯਾਤਰਾ ਸਵੇਰੇ ਧੁੱਪ ਤਿੱਖੀ ਹੋਣ ਤੋਂ ਪਹਿਲਾਂ ਅਤੇ ਸ਼ਾਮ ਨੂੰ ਸੁਰਜ ਛਿੱਪਣ ਤੋਂ ਬਾਅਦ ਹੀ ਪੂਰੀ ਕਰ ਰਹੇ ਹਨ।
ਕਾਂਵੜੀਆਂ ਦੇ ਸਹੀ-ਸਲਾਮਤ ਯਾਤਰਾ ਪੂਰੀ ਕਰਕੇ ਘਰ ਪਹੁੰਚਣ ਤੇ ਉਨ੍ਹਾਂ ਦਾ ਪਰਿਵਾਰਾਂ ਵੱਲੋਂ ਗਾਜੇ-ਬਾਜੇ ਨਾਲ ਸਵਾਗਤ ਕੀਤਾ ਜਾ ਰਿਹਾ ਹੈ।
ਮਾਨਤਾ ਅਨੁਸਾਰ ਜਦੋਂ ਤੱਕ ਕਾਂਵੜੀਆਂ ਜਲਾਭਿਸ਼ੇਕ ਨਹੀਂ ਕਰਦੇ, ਉਦੋਂ ਤੱਕ ਉਹ ਆਪਣੇ ਘਰ ਨਹੀਂ ਜਾ ਸਕਦੇ ਅਤੇ ਕਾਂਵੜ ਡੇਰਿਆਂ ਵਿੱਚ ਹੀ ਰਹਿੰਦੇ ਹਨ।