13 May 2024
TV9 Punjabi
Author: Isha
ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਲਾਈਮਲਾਈਟ 'ਚ ਆਏ ਲਾਰੈਂਸ ਬਿਸ਼ਨੋਈ ਨੇ ਜਿਸ ਤਰ੍ਹਾਂ ਸਿਰਫ ਦੋ ਸਾਲਾਂ 'ਚ ਆਪਣੇ ਗੈਂਗ ਦਾ ਵਿਸਥਾਰ ਕੀਤਾ ਹੈ, ਉਸ ਨੂੰ ਅਗਲਾ ਦਾਊਦ ਇਬਰਾਹਿਮ ਮੰਨਿਆ ਜਾ ਰਿਹਾ ਹੈ। ਖੁਦ ਮੁੰਬਈ ਪੁਲਿਸ ਨੇ ਵੀ ਇਹ ਗੱਲ ਕਹੀ ਹੈ।
ਹਾਲ ਹੀ 'ਚ ਲਾਰੇਂਸ ਦੇ ਭਰਾ ਅਨਮੋਲ ਬਿਸ਼ਨੋਈ ਨੇ ਅਭਿਨੇਤਾ ਸਲਮਾਨ ਖਾਨ ਦੇ ਘਰ 'ਤੇ ਗੋਲੀਬਾਰੀ ਦੀ ਜ਼ਿੰਮੇਵਾਰੀ ਲਈ ਹੈ। ਇਸ ਨੂੰ ਦੇਖਦੇ ਹੋਏ ਮੁੰਬਈ ਪੁਲਸ ਨੇ ਕਿਹਾ ਕਿ ਲਾਰੇਂਸ ਵੀ ਦਾਊਦ ਬਣਨ ਦੇ ਰਾਹ 'ਤੇ ਹੈ।
ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਬਾਲੀਵੁੱਡ ਵਿੱਚ ਕਦੇ ਦਾਊਦ ਇਬਰਾਹਿਮ ਦਾ ਆਤੰਕ ਸੀ। ਇਸੇ ਤਰ੍ਹਾਂ ਹੁਣ ਲਾਰੈਂਸ ਵੀ ਬਾਲੀਵੁੱਡ 'ਚ 'ਬੀ' ਕੰਪਨੀ ਦਾ ਡਰ ਪੈਦਾ ਕਰ ਕੇ ਪੈਸੇ ਉਗਰਾਹੁਣਾ ਚਾਹੁੰਦਾ ਹੈ।
ਦੱਸ ਦੇਈਏ ਕਿ ਸਲਮਾਨ ਖਾਨ ਦੇ ਘਰ 'ਤੇ ਗੋਲੀਬਾਰੀ ਕਰਨ ਦੇ ਦੋਸ਼ 'ਚ ਦੋ ਸ਼ੂਟਰਾਂ ਸਮੇਤ ਚਾਰ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਜਿਨ੍ਹਾਂ ਵਿੱਚੋਂ ਇੱਕ ਨੇ ਜੇਲ੍ਹ ਅੰਦਰ ਖ਼ੁਦਕੁਸ਼ੀ ਕਰ ਲਈ। ਫਿਲਹਾਲ ਗੋਲੀਬਾਰੀ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।