08-01- 2025
TV9 Punjabi
Author: Rohit
ਜਸਪ੍ਰੀਤ ਬੁਮਰਾਹ ਲਈ ਆਸਟ੍ਰੇਲੀਆ ਦੌਰਾ ਧਮਾਕੇਦਾਰ ਰਿਹਾ। ਉਹ ਪੂਰੀ ਸੀਰੀਜ਼ 'ਚ ਸਰਵੋਤਮ ਖਿਡਾਰੀ ਬਣ ਕੇ ਉਭਰੇ ਹਨ।
Pic Credit: Getty/PTI
ਜਸਪ੍ਰੀਤ ਬੁਮਰਾਹ ਨੇ 5 ਮੈਚਾਂ ਦੀ ਬਾਰਡਰ ਗਾਵਸਕਰ ਟਰਾਫੀ ਵਿੱਚ 14.22 ਦੀ ਔਸਤ ਨਾਲ ਕੁੱਲ 32 ਵਿਕਟਾਂ ਲਈਆਂ।
ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੇ ਦਮ 'ਤੇ ਬਾਰਡਰ ਗਾਵਸਕਰ ਟਰਾਫੀ 'ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਕਈ ਰਿਕਾਰਡ ਵੀ ਤੋੜੇ।
ਹੁਣ ਬੁਮਰਾਹ ਨੂੰ ਜਲਦੀ ਹੀ ਆਈਸੀਸੀ ਤੋਂ ਚੰਗੀ ਖ਼ਬਰ ਮਿਲ ਸਕਦੀ ਹੈ ਅਤੇ ਉਹ 'ਪਲੇਅਰ ਆਫ ਦਿ ਮੰਥ' ਐਵਾਰਡ ਜਿੱਤ ਸਕਦੇ ਹਨ।
ਦਰਅਸਲ, ਆਈਸੀਸੀ ਨੇ ਬੁਮਰਾਹ ਨੂੰ ਆਸਟ੍ਰੇਲੀਆ ਵਿੱਚ ਉਹਨਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਇਨਾਮ ਦਿੱਤਾ ਹੈ ਅਤੇ ਉਹਨਾਂ ਨੂੰ ਦਸੰਬਰ ਮਹੀਨੇ ਲਈ 'ਪਲੇਅਰ ਆਫ ਦਿ ਮੰਥ' ਲਈ ਨਾਮਜ਼ਦ ਕੀਤਾ ਹੈ।
ਆਸਟ੍ਰੇਲੀਆਈ ਕਪਤਾਨ ਪੈਟ ਕਮਿੰਸ ਸੀਰੀਜ਼ 'ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਦੂਜੇ ਗੇਂਦਬਾਜ਼ ਸਨ। ਉਹਨਾਂ ਨੇ 25 ਆਊਟ ਕੀਤੇ ਅਤੇ 159 ਦੌੜਾਂ ਵੀ ਬਣਾਈਆਂ। ਇਸੇ ਲਈ ਆਈਸੀਸੀ ਨੇ ਬੁਮਰਾਹ ਦੇ ਨਾਲ ਉਹਨਾਂ ਨੂੰ 'ਪਲੇਅਰ ਆਫ ਦਿ ਮੰਥ' ਲਈ ਨਾਮਜ਼ਦ ਕੀਤਾ ਹੈ।
ਤਿੰਨ ਖਿਡਾਰੀਆਂ ਦੀ ਸੂਚੀ ਵਿੱਚ ਦੱਖਣੀ ਅਫਰੀਕਾ ਦੇ ਡੈਨ ਪੀਟਰਸਨ ਦਾ ਨਾਂ ਵੀ ਸ਼ਾਮਲ ਹੈ। ਉਹਨਾਂ ਨੇ 13 ਵਿਕਟਾਂ ਲੈ ਕੇ ਆਪਣੀ ਟੀਮ ਨੂੰ ਡਬਲਯੂਟੀਸੀ ਦੇ ਫਾਈਨਲ ਵਿੱਚ ਪਹੁੰਚਣ ਵਿੱਚ ਮਦਦ ਕੀਤੀ ਸੀ।