2 Feb 2024
TV9 Punjabi
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਦੂਜੇ ਟੈਸਟ ਮੈਚ ਦਾ ਪਹਿਲਾ ਦਿਨ ਟੀਮ ਇੰਡੀਆ ਦੇ ਨਾਂ ਰਿਹਾ। ਯਸ਼ਸਵੀ ਜੈਸਵਾਲ ਨੇ ਪਹਿਲੇ ਹੀ ਦਿਨ 179 ਦੌੜਾਂ ਬਣਾਈਆਂ ਅਤੇ ਭਾਰਤ ਦਾ ਸਕੋਰ 336 ਤੱਕ ਪਹੁੰਚ ਗਿਆ।
ਯਸ਼ਸਵੀ ਜੈਸਵਾਲ ਦਿਨ ਦੀ ਖੇਡ ਖਤਮ ਹੋਣ ਤੱਕ ਅਜੇਤੂ ਰਹੇ, ਉਨ੍ਹਾਂ ਦੇ ਨਾਲ ਰਵੀਚੰਦਰਨ ਅਸ਼ਵਿਨ ਵੀ ਅਜੇਤੂ ਹਨ। ਗੇਮ ਖਤਮ ਹੋਣ 'ਤੇ ਅਸ਼ਵਿਨ ਦੀ ਬਹਿਸ ਹੋ ਗਈ, ਜਿਸ ਦੀਆਂ ਤਸਵੀਰਾਂ ਵਾਇਰਲ ਹੋ ਗਈਆਂ ਹਨ।
ਜਦੋਂ ਮੈਚ ਖਤਮ ਹੋਇਆ ਅਤੇ ਖਿਡਾਰੀ ਵਾਪਸ ਪਰਤ ਰਹੇ ਸਨ ਤਾਂ ਅਸ਼ਵਿਨ ਅੰਪਾਇਰ ਮਰੇਸ ਇਰੇਸਮਸ ਨਾਲ ਬਹਿਸ ਕਰਦੇ ਹੋਏ ਨਜ਼ਰ ਆਏ। ਇਹ ਬਹਿਸ ਇੰਨੀ ਗਰਮਾ ਗਈ ਕਿ ਖਿਡਾਰੀ ਵੀ ਨੇੜੇ ਹੀ ਰੁਕ ਗਏ।
ਮੰਨਿਆ ਜਾ ਰਿਹਾ ਹੈ ਕਿ ਆਖਰੀ ਓਵਰ ਦੇ ਦੌਰਾਨ ਅਸ਼ਵਿਨ ਅਤੇ ਇੱਕ ਇੰਗਲਿਸ਼ ਖਿਡਾਰੀ ਦੇ ਵਿੱਚ ਬਹਿਸ ਹੋ ਗਈ ਸੀ, ਰਵੀਚੰਦਰਨ ਅਸ਼ਵਿਨ ਅੰਪਾਇਰ ਨੂੰ ਇਸ ਦੀ ਸ਼ਿਕਾਇਤ ਕਰ ਰਹੇ ਸਨ।
ਇਸ ਦੌਰਾਨ ਦੋਵਾਂ ਵਿਚਾਲੇ ਗੱਲਬਾਤ ਹੋਈ ਅਤੇ ਮੈਦਾਨ ਤੋਂ ਵਾਪਸ ਪਰਤ ਰਹੇ ਖਿਡਾਰੀਆਂ 'ਚ ਹੰਗਾਮਾ ਦੇਖਣ ਨੂੰ ਮਿਲਿਆ। ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਬਹਿਸ ਕਿਸ ਬਾਰੇ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਭਾਰਤੀ ਟੀਮ ਨੇ ਪਹਿਲੇ ਹੀ ਦਿਨ 6 ਵਿਕਟਾਂ ਗੁਆ ਕੇ 336 ਦੌੜਾਂ ਬਣਾਈਆਂ ਹਨ। ਯਸ਼ਸਵੀ ਜੈਸਵਾਲ ਅਜੇ ਵੀ 179 ਦੌੜਾਂ ਬਣਾ ਕੇ ਅਜੇਤੂ ਹੈ।