9 Feb 2024
TV9 Punjabi
ਪਾਕਿਸਤਾਨ ਵਿੱਚ ਹੋਈਆਂ ਆਮ ਚੋਣਾਂ ਦੇ ਨਤੀਜਿਆਂ ਦਾ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ, ਆਓ ਜਾਣਦੇ ਹਾਂ ਇਸ ਚੋਣ ਵਿੱਚ ਕਿਹੜੇ ਉਮੀਦਵਾਰ ਜਿੱਤੇ ਅਤੇ ਕਿਸ ਨੂੰ ਨਿਰਾਸ਼ਾ ਹੋਈ।
ਇਸ ਚੋਣ ਵਿੱਚ ਹਾਈ ਪ੍ਰੋਫਾਈਲ ਆਗੂਆਂ ਨੇ ਹਿੱਸਾ ਲਿਆ। ਇਨ੍ਹਾਂ 'ਚੋਂ ਪਹਿਲਾ ਨਾਂ ਮਰੀਅਮ ਨਵਾਜ਼ ਸ਼ਰੀਫ ਦਾ ਹੈ, ਜਿਨ੍ਹਾਂ ਨੇ 83,855 ਵੋਟਾਂ ਨਾਲ ਨੈਸ਼ਨਲ ਅਸੈਂਬਲੀ ਸੀਟ ਜਿੱਤੀ ਹੈ।
ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਪੀਐੱਮਐੱਲ-ਐੱਨ ਦੇ ਪ੍ਰਧਾਨ ਸ਼ਾਹਬਾਜ਼ ਸ਼ਰੀਫ ਨੇ ਲਾਹੌਰ 'ਚ ਜਿੱਤ ਦਰਜ ਕੀਤੀ ਹੈ। ਉਨ੍ਹਾਂ ਨੇ ਐੱਨ.ਏ.-123 ਸੀਟ 63,953 ਵੋਟਾਂ ਨਾਲ ਜਿੱਤੀ।
ਸ਼ਾਹਬਾਜ਼ ਸ਼ਰੀਫ ਦੇ ਬੇਟੇ ਹਮਜ਼ਾ ਸ਼ਾਹਬਾਜ਼ ਵੀ ਲਾਹੌਰ ਤੋਂ ਜਿੱਤੇ ਹਨ। ਹਮਜ਼ਾ ਨੂੰ 105,960 ਵੋਟਾਂ ਮਿਲੀਆਂ ਜਦਕਿ ਉਨ੍ਹਾਂ ਦੇ ਵਿਰੋਧੀ ਨੂੰ 100,803 ਵੋਟਾਂ ਮਿਲੀਆਂ।
ਪੀਟੀਆਈ ਪਾਰਟੀ ਦੇ ਚੇਅਰਮੈਨ ਗੋਹਰ ਅਲੀ ਖਾਨ ਨੇ 110,023 ਵੋਟਾਂ ਨਾਲ ਬੁਨੇਰ ਸੀਟ ਜਿੱਤੀ, ਜਦੋਂ ਕਿ ਦੂਜੇ ਸਥਾਨ 'ਤੇ ਰਹਿਣ ਵਾਲੇ ਦੀਆਂ ਵੋਟਾਂ ਇਸ ਤੋਂ ਅੱਧੀਆਂ ਵੀ ਨਹੀਂ ਸਨ।
ਜ਼ੈਨ ਕੁਰੈਸ਼ੀ ਮੁਲਤਾਨ ਤੋਂ 126,770 ਵੋਟਾਂ ਨਾਲ ਆਸਾਨੀ ਨਾਲ ਜਿੱਤ ਗਏ ਹਨ। ਉਨ੍ਹਾਂ ਜਾਵੇਦ ਅਖਤਰ ਨੂੰ 76,758 ਵੋਟਾਂ ਨਾਲ ਹਰਾਇਆ। ਉਹ ਜੈਨ ਨੇਤਾ ਸ਼ਾਹ ਮਹਿਮੂਦ ਕੁਰੈਸ਼ੀ ਦਾ ਪੁੱਤਰ ਹਨ।
ਜਮਾਤ-ਏ-ਇਸਲਾਮੀ ਦੇ ਮੁਖੀ ਸਿਰਾਜੁਲ ਹੱਕ ਨੂੰ NA-6 ਲੋਅਰ ਦੀਰ ਸੀਟ ਤੋਂ ਮੁਹੰਮਦ ਬਸ਼ੀਰ ਖਾਨ ਤੋਂ 56,538 ਵੋਟਾਂ ਨਾਲ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਪਾਕਿਸਤਾਨ ਪੀਪਲਜ਼ ਪਾਰਟੀ (ਪੀਪੀਪੀ) ਦੇ ਡਾ: ਮਹੇਸ਼ ਕੁਮਾਰ ਮਲਾਨੀ ਨੇ ਥਾਰਪਰਕਰ-2 ਸੀਟ 'ਤੇ ਡਾ: ਅਰਬਾਬ ਗੁਲਾਮ ਰਹੀਮ ਨੂੰ ਹਰਾਇਆ ਹੈ।
ਸ਼ਹੀਦ ਬੇਨਜ਼ੀਰਾਬਾਦ ਵਿੱਚ ਸਾਬਕਾ ਰਾਸ਼ਟਰਪਤੀ ਆਸਿਫ਼ ਅਲੀ ਜ਼ਰਦਾਰੀ ਨੇ ਸਰਦਾਰ ਸ਼ੇਰ ਮੁਹੰਮਦ ਵਿਰੁੱਧ 146,989 ਵੋਟਾਂ ਨਾਲ ਜਿੱਤ ਦਰਜ ਕੀਤੀ।
ਬਿਲਾਵਲ ਭੁੱਟੋ ਜ਼ਰਦਾਰੀ ਨੇ ਸਿੰਧ ਵਿੱਚ NA-196 85,370 ਵੋਟਾਂ ਦੇ ਵੱਡੇ ਫਰਕ ਨਾਲ ਜਿੱਤਿਆ ਹੈ। ਨਾਸਿਰ ਮਹਿਮੂਦ 34,449 ਵੋਟਾਂ ਨਾਲ ਦੂਜੇ ਸਥਾਨ 'ਤੇ ਰਹੇ।