02-11- 2025
TV9 Punjabi
Author:Yashika.Jethi
ਰਿਟੇਲ ਨਿਵੇਸ਼ਕ ਅਕਸਰ ਇਸ ਪਰੇਸ਼ਾਨੀ ਵਿੱਚ ਰਹਿੰਦੇ ਹਨ ਕਿ ਉਨ੍ਹਾਂ ਨੂੰ PPF ਜਾਂ FD ਵਿੱਚੋਂ ਕਿਹੜਾ ਆਪਸ਼ਨ ਚੁਣਨਾ ਚਾਹੀਦਾ ਹੈ। ਹਰ ਆਪਸ਼ਨ ਦੇ ਆਪਣੇ-ਆਪਣੇ ਫਾਇਦੇ ਅਤੇ ਸੀਮਾਵਾਂ ਹੁੰਦੀਆਂ ਹਨ। ਆਓ ਜਾਣੀਏ ਕਿ ਕਿਹੜਾ ਨਿਵੇਸ਼ ਤੁਹਾਡੇ ਲਈ ਸਭ ਤੋਂ ਵਧੀਆ ਰਹੇਗਾ।
ELSS ਇੱਕ ਮਿਊਚੁਅਲ ਫੰਡ ਹੈ ਜੋ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਕਰਦਾ ਹੈ ਅਤੇ ਟੈਕਸ ਬਚਤ ਦਾ ਮੌਕਾ ਦਿੰਦਾ ਹੈ (ਪੁਰਾਣੇ ਟੈਕਸ ਸਿਸਟਮ ਅਨੁਸਾਰ ₹1.5 ਲੱਖ ਤੱਕ)। ਇਸ ਵਿੱਚ 3 ਸਾਲ ਦਾ ਲਾਕ-ਇਨ ਪੀਰੀਅਡ ਹੁੰਦਾ ਹੈ। ਇਹ ਇਕਵਿਟੀ ਵਿੱਚ ਨਿਵੇਸ਼ ਕਰਨ ਦਾ ਅਨੁਸ਼ਾਸਿਤ ਅਤੇ ਸਤਰੀਕਾ ਹੈ।
Public Provident Fund (PPF)ਸਰਕਾਰ ਦੁਆਰਾ ਸਮਰਥਿਤ ਇੱਕ ਭਰੋਸੇਮੰਦ ਯੋਜਨਾ ਹੈ। ਇਹ ‘ਤੇ ਸਾਲਾਨਾ 7.1 ਪ੍ਰਤੀਸ਼ਤ ਬਿਆਜ ਮਿਲਦਾ ਹੈ। 15 ਸਾਲਾਂ ਦਾ ਲਾਕ-ਇਨ ਪੀਰੀਅਡ ਇਸਨੂੰ ਲੰਬੇ ਸਮੇਂ ਦੇ ਨਿਵੇਸ਼ ਲਈ ਉਚਿਤ ਬਣਾਉਂਦਾ ਹੈ।
Fixed Deposit ਇੱਕ ਸੁਰੱਖਿਅਤ ਬੈਂਕ ਨਿਵੇਸ਼ ਹੈ। ਇਸ ‘ਤੇ ਬਿਆਜ ਦਰ ਲਗਭਗ 6 ਤੋਂ 6.5 ਪ੍ਰਤੀਸ਼ਤ ਤੱਕ ਹੁੰਦੀ ਹੈ। ਇਸ ‘ਤੇ ਟੈਕਸ ਛੂਟ ਨਹੀਂ ਮਿਲਦੀ ਅਤੇ ਬਿਆਜ ਟੈਕਸਯੋਗ (Taxable) ਹੁੰਦਾ ਹੈ। ਇਸਦਾ ਫਾਇਦਾ ਇਹ ਹੈ ਕਿ ਇਸ ਵਿੱਚ ਕੋਈ ਲਾਕ-ਇਨ ਪੀਰੀਅਡ ਨਹੀਂ ਹੁੰਦਾ, ਇਸ ਲਈ ਪੈਸਾ ਜ਼ਰੂਰਤ ਪੈਣ ‘ਤੇ ਆਸਾਨੀ ਨਾਲ ਕੱਢਿਆ ਜਾ ਸਕਦਾ ਹੈ।
ਨਵੇਂ ਟੈਕਸ ਸਿਸਟਮ ਵਿੱਚ ELSS ਅਤੇ PPF ‘ਤੇ ਟੈਕਸ ਕਟੌਤੀ (Tax Deduction) ਦਾ ਫਾਇਦਾ ਨਹੀਂ ਹੈ। ਪਰ ਨਿਵੇਸ਼ ਦਾ ਮਕਸਦ ਸਿਰਫ ਟੈਕਸ ਬਚਾਉਣਾ ਨਹੀਂ, ਸਗੋਂ ਆਪਣੇ ਵਿੱਤੀ ਟੀਚੇ (Financial Goals)ਹਾਸਲ ਕਰਨਾ ਹੋਣਾ ਚਾਹੀਦਾ ਹੈ।
ELSS ਵਿੱਚ ਨਿਵੇਸ਼ ਅਨੁਸ਼ਾਸਨ ਸਿਖਾਉਂਦਾ ਹੈ। ਕਿਉਂਕਿ ਇਸਨੂੰ 3 ਸਾਲਾਂ ਤੱਕ ਰੀਡੀਮ ਨਹੀਂ ਕੀਤਾ ਜਾ ਸਕਦਾ, ਇਸ ਲਈ ਨਿਵੇਸ਼ਕ ਇਕਵਿਟੀ ਵਿੱਚ ਟਿਕੇ ਰਹਿੰਦੇ ਹਨ ਅਤੇ ਮੁਨਾਫ਼ਾ ਕਮਾ ਸਕਦੇ ਹਨ। ਨਿਵੇਸ਼ ਵਿੱਚ ਅਨੁਸ਼ਾਸਨ ਬਹੁਤ ਜ਼ਰੂਰੀ ਹੁੰਦਾ ਹੈ।
ਜੇ ਤੁਸੀਂ ਸੁਰੱਖਿਅਤ ਅਤੇ ਲੰਬੀ ਮਿਆਦ ਵਾਲਾ ਆਪਸ਼ਨ ਚਾਹੁੰਦੇ ਹੋ ਤਾਂ PPF ਸਭ ਤੋਂ ਵਧੀਆ ਹੈ।ਰਿਟਰਨ ਅਤੇ ਅਨੁਸ਼ਾਸਨ ਲਈ ELSS ਚੰਗਾ ਆਪਸ਼ਨ ਹੈ, ਜਦਕਿ Liquidity ਅਤੇ ਸੁਰੱਖਿਆ ਲਈ FD ਜਰੂਰੀ ਹੈ।