12-06- 2024
TV9 Punjabi
Author: Isha
'ਜੱਟ ਐਂਡ ਜੂਲੀਅਟ' ਪੰਜਾਬੀ ਫ਼ਿਲਮ ਇੰਡਸਟਰੀ ਦੀਆਂ ਸੁਪਰਹਿੱਟ ਫ਼ਿਲਮਾਂ ਵਿੱਚੋਂ ਇੱਕ ਹੈ। ਇਸ ਵਿੱਚ ਦਿਲਜੀਤ ਦੋਸਾਂਝ ਅਤੇ ਨੀਰੂ ਬਾਜਵਾ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਏ ਸਨ।
ਹੁਣ 'ਜੱਟ ਐਂਡ ਜੂਲੀਅਟ' ਦਾ ਤੀਜਾ ਭਾਗ ਆਉਣ ਵਾਲਾ ਹੈ। ਇਸ ਫਿਲਮ ਦਾ ਟ੍ਰੇਲਰ 11 ਜੂਨ ਨੂੰ ਰਿਲੀਜ਼ ਹੋਇਆ ਹੈ।
ਟ੍ਰੇਲਰ ਲਾਂਚ ਈਵੈਂਟ ਵਿੱਚ ਦਿਲਜੀਤ ਦੋਸਾਂਝ ਨੇ ਖੁਲਾਸਾ ਕੀਤਾ ਕਿ ਉਹ ਇਸ ਫਿਲਮ ਵਿੱਚ ਕੰਮ ਨਹੀਂ ਕਰਨਾ ਚਾਹੁੰਦੇ ਹਨ।
ਜਦੋਂ 'ਜੱਟ ਐਂਡ ਜੂਲੀਅਟ' ਦੇ ਨਿਰਮਾਤਾਵਾਂ ਨੇ ਇਸ ਫ਼ਿਲਮ ਲਈ ਦਿਲਜੀਤ ਦੁਸਾਂਝ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਇਹ ਪੇਸ਼ਕਸ਼ ਠੁਕਰਾ ਦਿੱਤੀ।
ਦਿਲਜੀਤ ਦੁਸਾਂਝ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਨਾਂਹ ਕਰ ਦਿੱਤੀ ਤਾਂ ਨਿਰਮਾਤਾ ਨੇ ਉਨ੍ਹਾਂ ਨੂੰ ਖਾਲੀ ਚੈੱਕ ਦੇ ਕੇ ਕਿਹਾ ਕਿ ਉਹ ਜਿੰਨਾ ਚਾਹੁਣ ਭਰ ਲਵੇ।
ਨਿਰਮਾਤਾ ਦੀ ਇਹ ਗੱਲ ਸੁਣ ਕੇ ਦਿਲਜੀਤ ਨੇ ਆਪਣੇ ਮੈਨੇਜਰ ਨੂੰ ਪੁੱਛਿਆ, 'ਸਭ ਤੋਂ ਜ਼ਿਆਦਾ ਪੈਸੇ ਕੌਣ ਲੈਂਦਾ ਹੈ?' ਇਸ 'ਤੇ ਮੈਨੇਜਰ ਨੇ ਗੁਰਦਾਸ ਮਾਨ ਦਾ ਨਾਂ ਲਿਆ।
ਦਿਲਜੀਤ ਮੁਤਾਬਕ ਗੁਰਦਾਸ ਮਾਨ ਦੀ ਫੀਸ ਦੀ ਰਕਮ ਉਸ ਚੈੱਕ ਵਿੱਚ ਇਹ ਸੋਚ ਕੇ ਦਿੱਤੀ ਗਈ ਸੀ ਕਿ ਹੁਣ ਨਿਰਮਾਤਾ ਇਨਕਾਰ ਕਰਨਗੇ। ਪਰ ਉਸ ਨੇ ਹੋਰ ਲੱਖ ਰੁਪਏ ਜੋੜ ਕੇ ਦਸਤਖ਼ਤ ਕਰ ਲਏ।