17-12- 2024
TV9 Punjabi
Author: Isha Sharma
ਸਰਦੀਆਂ ਵਿੱਚ ਨਾਰੀਅਲ ਦੇ ਤੇਲ ਨਾਲ ਮਾਲਿਸ਼ ਕਰਨ ਨਾਲ ਸਕਿਨ ਨੂੰ ਨਮੀ ਮਿਲਦੀ ਹੈ ਅਤੇ ਚਿਹਰੇ ਨੂੰ ਸੋਫਟ ਰੱਖਣ ਵਿੱਚ ਲਾਭਕਾਰੀ ਹੋ ਸਕਦਾ ਹੈ।
ਪਰ ਜੇਕਰ ਚਿਹਰੇ 'ਤੇ ਨਾਰੀਅਲ ਦਾ ਤੇਲ ਲਗਾਉਂਦੇ ਸਮੇਂ ਇਹ ਗਲਤੀ ਹੋ ਜਾਵੇ ਤਾਂ ਇਸ ਨਾਲ ਮੁਹਾਸੇ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਬਹੁਤ ਜ਼ਿਆਦਾ ਨਾਰੀਅਲ ਤੇਲ ਲਗਾਉਣ ਨਾਲ ਚਿਹਰੇ 'ਤੇ ਤੇਲ ਜਮ੍ਹਾ ਹੋ ਜਾਂਦਾ ਹੈ, ਜਿਸ ਨਾਲ ਪੋਰਸ ਬੰਦ ਹੋ ਜਾਂਦੇ ਹਨ ਅਤੇ ਮੁਹਾਸੇ ਦੀ ਸਮੱਸਿਆ ਹੋ ਸਕਦੀ ਹੈ। ਇਸ ਲਈ ਇਸ ਦੀ ਵਰਤੋਂ ਘੱਟ ਮਾਤਰਾ 'ਚ ਕਰੋ।
ਜੇਕਰ ਚਿਹਰੇ ਨੂੰ ਸਾਫ਼ ਕੀਤੇ ਬਿਨਾਂ ਤੇਲ ਲਗਾਇਆ ਜਾਵੇ ਤਾਂ ਇਹ ਸਕਿਨ ਦੇ ਅੰਦਰ ਦੀ ਗੰਦਗੀ ਅਤੇ ਬੈਕਟੀਰੀਆ ਨੂੰ ਅੰਦਰ ਲਿਜਾਣ ਵਿੱਚ ਮਦਦ ਕਰਦਾ ਹੈ, ਜਿਸ ਨਾਲ ਮੁਹਾਸੇ ਹੋ ਸਕਦੇ ਹਨ। ਇਸ ਲਈ ਪਹਿਲਾਂ ਆਪਣਾ ਚਿਹਰਾ ਧੋ ਲਓ।
ਨਾਰੀਅਲ ਦੇ ਤੇਲ ਨਾਲ ਮਾਲਿਸ਼ ਕਰਨ ਤੋਂ ਬਾਅਦ ਜੇਕਰ ਚਿਹਰੇ 'ਤੇ ਵਾਧੂ ਤੇਲ ਨਜ਼ਰ ਆਉਂਦਾ ਹੈ ਤਾਂ ਉਸ ਨੂੰ ਰੂੰ ਦੀ ਮਦਦ ਨਾਲ ਸਾਫ ਕਰਨਾ ਚਾਹੀਦਾ ਹੈ।
ਨਾਰੀਅਲ ਦੇ ਤੇਲ ਨਾਲ ਜ਼ਿਆਦਾ ਦੇਰ ਤੱਕ ਮਾਲਿਸ਼ ਕਰਨ ਨਾਲ ਵੀ ਸਕਿਨ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਨਾਲ ਪੋਰਸ ਬਹੁਤ ਜ਼ਿਆਦਾ ਖੁੱਲ੍ਹ ਸਕਦੇ ਹਨ, ਜਿਸ ਨਾਲ ਮੁਹਾਸੇ ਹੋ ਸਕਦੇ ਹਨ।
ਰਾਤ ਨੂੰ ਸੌਣ ਤੋਂ ਪਹਿਲਾਂ ਥੋੜ੍ਹੀ ਮਾਤਰਾ ਵਿੱਚ ਨਾਰੀਅਲ ਤੇਲ ਲਓ ਅਤੇ 2 ਤੋਂ 3 ਮਿੰਟ ਤੱਕ ਚਿਹਰੇ ਦੀ ਮਾਲਿਸ਼ ਕਰੋ। ਹਫ਼ਤੇ ਵਿੱਚ 2-3 ਵਾਰ ਤੋਂ ਵੱਧ ਵਰਤੋਂ ਨਾ ਕਰੋ।