8 March 2024
TV9 Punjabi
ਸੇਲਿਬ੍ਰਿਟੀ ਕ੍ਰਿਕਟ ਲੀਗ 2024 'ਚ ਅੱਜ 8 ਮਾਰਚ ਨੂੰ ਪੰਜਾਬ ਦੇ ਸ਼ੇਰ ਦਾ ਮੁਕਾਬਲਾ ਬੰਗਾਲ ਟਾਈਗਰਜ਼ ਨਾਲ ਹੋਣ ਜਾ ਰਿਹਾ ਹੈ। ਇਹ ਮੁਕਾਬਲਾ PCA ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ।
ਇਸ ਮੁਕਾਬਲੇ ਤੋਂ ਪਹਿਲਾਂ ਪੰਜਾਬ ਦੇ ਸ਼ੇਰ ਦੇ ਖਿਡਾਰੀ ਮੈਦਾਨ ਵਿੱਚ ਮਿਹਨਤ ਕਰਨ ਲੱਗੇ ਹੋਏ ਹਨ ਅਤੇ ਬੰਗਾਲ ਟਾਈਗਰਜ਼ ਦੀ ਚਣੌਤੀ ਦਾ ਸਾਹਮਣਾ ਕਰਨ ਲਈ ਤਿਆਰ ਹਨ।
ਬੀਤੀ ਦਿਨੀਂ ਪੰਜਾਬ ਦੇ ਸ਼ੇਰ ਟੀਮ ਦੇ ਖਿ਼ਡਾਰੀ ਪ੍ਰਸ਼ੰਸਕਾਂ ਨਾਲ ਮੁਲਾਕਾਤ ਲਈ ਚੰਡੀਗੜ੍ਹ ਦੀਆਂ ਸੜਕਾਂ ਤੇ ਘੁੰਮਦੇ ਨਜ਼ਰ ਆਏ ਸਨ। ਜਿੱਥੇ ਉਨ੍ਹਾਂ ਨੇ ਪ੍ਰਸ਼ੰਸਕਾ ਨੂੰ ਮੈਚ ਲਈ ਸੱਦਾ ਦਿੱਤਾ ਅਤੇ ਫ੍ਰੀ ਵੀਆਈਪੀ ਪਾਸ ਤੇ ਗਿਫ਼ਟ ਹੈਂਪਰ ਵੰਡੇ।
ਇਸ ਤੋਂ ਪਹਿਲਾ 1 ਮਾਰਚ ਨੂੰ ਹੈਦਰਾਬਾਦ ਵਿੱਚ ਖੇਡੇ ਗਏ ਮੁਕਾਬਲੇ 'ਚ ਪੰਜਾਬ ਦੇ ਸ਼ੇਰ ਨੂੰ ਤੇਲੁਗੂ ਵਾਰਿਅਰਜ਼ ਦੇ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਤੇਲੁਗੂ ਵਾਰਿਅਰਜ਼ ਨੇ 5 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ ਸੀ।
ਇਸ ਤੋਂ ਪਹਿਲਾਂ 25 ਫਰਵਰੀ ਨੂੰ ਵੀ ਪੰਜਾਬ ਦੇ ਸ਼ੇਰ ਟੀਮ ਨੂੰ ਚੇਨੱਈ ਰਾਈਨੋਜ਼ ਤੋਂ 41 ਦੌੜਾਂ ਨਾਲ ਹਾਰ ਮਿਲੀ ਸੀ।