09-07- 2024
TV9 Punjabi
Author: Isha
ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਵਿਆਹ 12 ਜੁਲਾਈ ਨੂੰ ਹੈ। ਇਸ ਸ਼ਾਨਦਾਰ ਵਿਆਹ ਦਾ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ। ਵਿਆਹ ਦੇ ਕਾਰਡ ਵੰਡੇ ਗਏ ਹਨ।
ਅੰਬਾਨੀ ਪਰਿਵਾਰ ਵੱਲੋਂ ਬਣਾਏ ਗਏ ਵਿਆਹ ਦੇ ਕਾਰਡ ਨੂੰ ਸੋਨੇ ਅਤੇ ਚਾਂਦੀ ਨਾਲ ਬਣਾਇਆ ਗਿਆ ਹੈ। ਇਹ ਦੇਖਣ ਲਈ ਬਹੁਤ ਸੁੰਦਰ ਹੈ। ਜਿਵੇਂ ਹੀ ਇਸ ਨੂੰ ਖੋਲ੍ਹਿਆ ਜਾਂਦਾ ਹੈ, ਇੱਕ ਮੰਤਰ ਬਹੁਤ ਸੁਰੀਲੀ ਆਵਾਜ਼ ਵਿੱਚ ਗੂੰਜਦਾ ਹੈ।
ਇਸ ਮੰਤਰ ਨੂੰ ਬਿਹਾਰ ਦੀ ਧੀ ਮਾਧਵੀ ਮਧੁਕਰ ਨੇ ਗਾਇਆ ਹੈ। 6 ਲੱਖ ਰੁਪਏ ਦੇ ਇਸ ਸ਼ਾਨਦਾਰ ਕਾਰਡ ਵਿੱਚ ਜਦੋਂ ਮਾਧਵੀ ਦੀ ਸੁਰੀਲੀ ਆਵਾਜ਼ ਗੂੰਜਦੀ ਹੈ ਤਾਂ ਇਹ ਬਹੁਤ ਹੀ ਸੁਹਾਵਣਾ ਅਹਿਸਾਸ ਦਿੰਦਾ ਹੈ।
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਮਾਧੁਰੀ ਨੂੰ ਇਕ ਵਾਰ ਰਿਐਲਿਟੀ ਸ਼ੋਅ ਇੰਡੀਅਨ ਆਈਡਲ ਤੋਂ ਰਿਜੈਕਟ ਕਰ ਦਿੱਤਾ ਗਿਆ ਸੀ। ਪਰ ਅੰਬਾਨੀ ਪਰਿਵਾਰ ਨੇ ਉਨ੍ਹਾਂ ਦੇ ਟੈਲੇਂਟ ਨੂੰ ਪਛਾਣ ਲਿਆ।
ਜਦੋਂ ਨੀਤਾ ਅੰਬਾਨੀ ਨੇ ਮਾਧਵੀ ਦੀ ਆਵਾਜ਼ ਸੁਣੀ ਤਾਂ ਉਨ੍ਹਾਂ ਨੇ ਆਪਣੇ ਬੇਟੇ ਅਨੰਤ ਦੇ ਵਿਆਹ ਦੇ ਕਾਰਡ ਵਿੱਚ ਵੀ ਇਹੀ ਆਵਾਜ਼ ਵਰਤਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਮਾਧਵੀ ਨਾਲ ਸੰਪਰਕ ਕੀਤਾ।
ਮਾਧਵੀ ਨੇ ਆਪਣੇ 'ਵਿਸ਼ਨੂੰ ਸਹਸਤਰਨਾਮ' ਮੰਤਰ ਲਈ ਅੰਬਾਨੀ ਪਰਿਵਾਰ ਤੋਂ ਕੋਈ ਫੀਸ ਨਹੀਂ ਲਈ ਹੈ। ਮਾਧਵੀ ਨੇ ਕਿਹਾ ਕਿ ਇਹ ਦਾਨ ਦਾ ਕੰਮ ਹੈ ਅਤੇ ਉਨ੍ਹਾਂ ਵੱਲੋਂ ਗਾਏ ਗਏ ਮੰਤਰ ਨੂੰ ਕਿਸੇ ਸ਼ੁਭ ਕੰਮ ਲਈ ਵਰਤਿਆ ਜਾ ਰਿਹਾ ਹੈ, ਇਹ ਵੱਡੀ ਗੱਲ ਹੈ।
36 ਸਾਲ ਦੀ ਮਾਧਵੀ ਦੀ ਆਵਾਜ਼ ਰਾਮਲਲਾ ਦੇ ਪ੍ਰਾਣ ਪ੍ਰਤੀਸ਼ਠਾ ਵਿੱਚ ਵੀ ਗੂੰਜੀ ਸੀ। ਮਾਧਵੀ ਨੂੰ ਅਯੁੱਧਿਆ ਵਿੱਚ ਹੋਏ ਅੰਮ੍ਰਿਤ ਮਹੋਤਸਵ ਦੌਰਾਨ ਗਾਉਣ ਦਾ ਸੱਦਾ ਭੇਜਿਆ ਗਿਆ ਸੀ।