17 May 2024
TV9 Punjabi
Author: Ramandeep SIngh
ਆਸਟ੍ਰੇਲੀਆਈ ਪੇਸ਼ੇਵਰ ਫੁੱਟਬਾਲ 'ਚ ਮੈਚ ਫਿਕਸਿੰਗ ਦੇ ਖੁਲਾਸੇ ਤੋਂ ਬਾਅਦ ਹਲਚਲ ਮਚ ਗਈ ਹੈ।
ਫਿਕਸਿੰਗ ਦੇ ਦੋਸ਼ 'ਚ ਆਸਟ੍ਰੇਲੀਆਈ ਫੁੱਟਬਾਲ ਕਲੱਬ ਮੈਕਰਥਰ ਐੱਫਸੀ ਦੇ ਕਪਤਾਨ ਸਮੇਤ ਤਿੰਨ ਖਿਡਾਰੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਮੈਕਰਥਰ ਐਫਸੀ ਦੇ ਕਪਤਾਨ ਯੂਲੀਸ ਡੇਵਿਲਾ ਅਤੇ ਸਾਥੀ ਖਿਡਾਰੀ ਕੀਰਿਨ ਬੈਚਸ ਅਤੇ ਕਲੇਟਨ ਲੁਈਸ 'ਤੇ ਫਿਕਸਿੰਗ 'ਚ ਸ਼ਾਮਲ ਹੋਣ ਦਾ ਦੋਸ਼ ਹੈ।
ਯੂਲੀਸੇਸ ਡੇਵਿਲਾ 'ਤੇ ਆਪਣੇ ਸਾਥੀ ਖਿਡਾਰੀਆਂ ਨੂੰ ਪੀਲੇ ਕਾਰਡ ਹਾਸਲ ਕਰਨ ਲਈ 10,000 ਆਸਟ੍ਰੇਲੀਅਨ ਡਾਲਰ ਦੇਣ ਦਾ ਦੋਸ਼ ਹੈ।
ਆਸਟ੍ਰੇਲੀਆਈ ਪੁਲਿਸ ਦਾ ਦਾਅਵਾ ਹੈ ਕਿ ਮੈਕਰਥਰ ਐਫਸੀ ਦੇ ਇਨ੍ਹਾਂ ਤਿੰਨਾਂ ਖਿਡਾਰੀਆਂ ਨੂੰ ਫਿਕਸਿੰਗ ਲਈ ਲੱਖਾਂ ਡਾਲਰ ਅਦਾ ਕੀਤੇ ਗਏ ਹਨ।
ਫਿਕਸਿੰਗ ਦੀ ਜਾਂਚ ਕਰ ਰਹੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 24 ਨਵੰਬਰ ਅਤੇ 9 ਦਸੰਬਰ ਨੂੰ ਖੇਡੇ ਗਏ ਮੈਚਾਂ ਦੌਰਾਨ ਪੀਲੇ ਕਾਰਡਾਂ ਲਈ ਛੇੜਛਾੜ ਕੀਤੀ ਗਈ ਸੀ।
ਫਿਕਸਿੰਗ 'ਚ ਸ਼ਾਮਲ ਤਿੰਨੋਂ ਖਿਡਾਰੀ ਵਿਦੇਸ਼ੀ ਹਨ। ਡੇਵਿਲਾ ਮੈਕਸੀਕੋ ਦਾ ਰਹਿਣ ਵਾਲਾ ਹੈ। ਕਲੇਟਨ ਲੁਈਸ ਨਿਊਜ਼ੀਲੈਂਡ ਤੋਂ ਹੈ। ਕਿਰਿਨ ਬੈਚਸ ਦੱਖਣੀ ਅਫਰੀਕਾ ਦਾ ਵਸਨੀਕ ਹੈ।