ਭਾਰਤੀਆਂ ਨੂੰ ਜ਼ਬਰੀ ਜੰਗ ‘ਚ ਉੱਤਾਰ ਰਿਹਾ ਰੂਸ, ਨੌਜਵਾਨਾਂ ਨੇ ਸੁਣਾਈ ਆਪਬੀਤੀ, ਸਰਕਾਰ ਤੋਂ ਮੰਗੀ ਮਦਦ

ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਵਿੱਚ ਹੁਣ ਭਾਰਤੀ ਨੌਜਵਾਨਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਹਾਲ ਹੀ ਚ ਟੂਰਿਸਟ ਵੀਜ਼ੇ ਤੇ ਰੂਸ ਗਏ ਪੰਜਾਬ ਅਤੇ ਹਰਿਆਣਾ ਦੇ ਨੌਜਵਾਨਾਂ ਨੂੰ ਧੋਖਾ ਦੇ ਕੇ ਜਬਰੀ ਫੌਜ ਚ ਭਰਤੀ ਕੀਤਾ ਗਿਆ। ਜਦੋਂ ਸਾਡੀ ਟੀਮ ਨੇ ਰੂਸ ਵਿੱਚ ਫਸੇ ਪੰਜਾਬ ਦੇ ਹੁਸ਼ਿਆਰਪੁਰ (ਦੋਆਬਾ) ਦੇ ਵਸਨੀਕ ਗੁਰਪ੍ਰੀਤ ਨਾਲ ਗੱਲ ਕੀਤੀ ਤਾਂ ਉਸ ਨੇ ਆਪਣੀ ਸਾਰੀ ਕਹਾਣੀ ਦੱਸੀ। ਜਿਸ ਚ ਉਸ ਨੇ ਕਈ ਅਹਿਮ ਖੁਲਾਸੇ ਕੀਤੇ ਹਨ।ਉਨ੍ਹਾਂ ਨੌਜਵਾਨਾਂ ਨੂੰ 15 ਦਿਨਾਂ ਤੱਕ ਸਿਖਲਾਈ ਦੇਣ ਤੋਂ ਬਾਅਦ ਯੂਕਰੇਨ ਵਿਰੁੱਧ ਜੰਗ ਲੜਨ ਲਈ ਭੇਜਿਆ ਗਿਆ। ਲਗਭਗ ਸੱਤ ਭਾਰਤੀ ਨੌਜਵਾਨਾਂ ਨੇ ਫੌਜ ਦੀ ਵਰਦੀ ਪਹਿਨੇ ਰੂਸ ਤੋਂ ਇੱਕ ਵੀਡੀਓ ਸ਼ੇਅਰ ਕੀਤਾ ਸੀ। ਜਿਸ ਵਿੱਚ ਇਹ ਸਾਰੀਆਂ ਗੱਲਾਂ ਸਾਹਮਣੇ ਆਈਆਂ ਹਨ। ਜਾਰੀ ਕੀਤੀ ਗਈ ਵੀਡੀਓ ਵਿੱਚ 5 ਨੌਜਵਾਨ ਪੰਜਾਬੀ ਅਤੇ ਦੋ ਹਰਿਆਣਵੀ ਹਨ। ਪੰਜਾਬੀਆਂ ਵਿੱਚ ਚਾਰ ਨੌਜਵਾਨ ਦੋਆਬਾ ਖੇਤਰ ਦੇ ਵਸਨੀਕ ਹਨ।