Shocking Video: ਕੜਾਕੇ ਦੀ ਠੰਡ ਤੋਂ ਬਚਣ ਲਈ ਬਲਦੀ ਚਿਤਾ ਕੋਲ ਲੇਟਿਆ ਬਜ਼ੁਰਗ, ਦੇਖੋ ਦਿਲ ਝੰਜੋੜ ਦੇਣ ਵਾਲੀ ਵੀਡੀਓ

Pic Credit: x/ @surabhi_tiwari_

Follow Us On

ਸ਼ਮਸ਼ਾਨ ਘਾਟ ‘ਚ ਚਿਤਾ ਜਲਾਈ ਜਾਂਦੀ ਹੈ ਅਤੇ ਇੱਥੇ ਤੁਹਾਨੂੰ ਮ੍ਰਿਤਕ ਪਰਿਵਾਰ ਦਾ ਰੋਣਾ ਹੀ ਸੁਣਾਈ ਦਿੰਦਾ ਹੈ। ਜਰਾ ਸੋਚੋ ਕਿ ਅਜਿਹੇ ਮਾਹੌਲ ‘ਚ ਕੋਈ ਬਲਦੀ ਚਿਤਾ ਕੋਲ ਸੌ ਸਕਦਾ ਹੈ। ਸੌਣਾ ਤਾਂ ਛੱਡੋ ਕੋਈ ਡਰਦੇ ਮਾਰੇ ਚਿਤਾ ਕੋਲ ਵੀ ਨਹੀਂ ਜਾਂਦਾ, ਪਰ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਬਜ਼ੁਰਗ ਆਦਮੀ ਬਲਦੀ ਚਿਤਾ ਕੋਲ ਸੌ ਰਿਹਾ ਹੈ। ਇਸ ਬਜ਼ੁਰਗ ਤੋਂ ਜਦੋਂ ਇਸ ਦੇ ਪਿੱਛੇ ਦਾ ਕਾਰਨ ਪੁੱਛਿਆ ਗਿਆ ਤਾਂ ਉਸ ਨੇ ਜੋ ਕਿਹਾ ਉਹ ਸੁਣ ਕੇ ਤੁਹਾਡਾ ਵੀ ਦਿਲ ਦੁੱਖੀ ਹੋ ਜਾਵੇਗਾ।

ਵਾਇਰਲ ਵੀਡੀਓ ‘ਚ ਬੁੱਢਾ ਆਦਮੀ ਬਲਦੀ ਚਿਤਾ ਕੋਲ ਸੌ ਰਿਹਾ

ਵਾਇਰਲ ਹੋ ਰਹੀ ਇਸ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਇਕ ਬਜ਼ੁਰਗ ਸ਼ਮਸ਼ਾਨਘਾਟ ‘ਚ ਬਲਦੀ ਚਿਤਾ ਦੇ ਸਾਹਮਣੇ ਲੇਟਿਆ ਹੋਇਆ ਹੈ। ਪੂਰੇ ਸ਼ਮਸ਼ਾਨਘਾਟ ਦੇ ਆਲੇ-ਦੁਆਲੇ ਝਾਤੀ ਮਾਰੋ ਤਾਂ ਉਸ ਬੁੱਢੇ ਤੋਂ ਇਲਾਵਾ ਕੋਈ ਵੀ ਨਹੀਂ ਦਿਸੇਗਾ। ਆਮ ਤੌਰ ‘ਤੇ ਰਾਤ ਨੂੰ ਸ਼ਮਸ਼ਾਨਘਾਟ ‘ਤੇ ਕੋਈ ਨਹੀਂ ਜਾਂਦਾ, ਉਨ੍ਹਾਂ ਨੂੰ ਡਰ ਲੱਗਦਾ ਹੈ, ਪਰ ਇਹ ਬਜ਼ੁਰਗ ਸ਼ਮਸ਼ਾਨਘਾਟ ‘ਤੇ, ਉਹ ਵੀ ਬਲਦੀ ਚਿਤਾ ਦੇ ਕੋਲ ਇੰਨੀ ਸ਼ਾਂਤੀ ਨਾਲ ਕਿਵੇਂ ਸੌਂ ਸਕਦਾ ਹੈ?

ਸਸਕਾਰ ਚਿਤਾ ਕੋਲ ਕਿਉਂ ਸੌਂ ਗਿਆ ਬਜ਼ੁਰਗ?

ਸੋਸ਼ਲ ਮੀਡੀਆ ‘ਤੇ ਮਿਲੀ ਜਾਣਕਾਰੀ ਮੁਤਾਬਕ ਇਹ ਵੀਡੀਓ ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਦੇ ਕੋਹਨਾ ਥਾਣਾ ਖੇਤਰ ਦੇ ਭੈਰਵ ਘਾਟ ਦੀ ਦੱਸੀ ਜਾ ਰਹੀ ਹੈ। ਜਿੱਥੇ ਇੱਕ ਬਜ਼ੁਰਗ ਆਇਆ ਅਤੇ ਠੰਡ ਤੋਂ ਬਚਣ ਲਈ ਬਲਦੀ ਚਿਤਾ ਕੋਲ ਲੇਟ ਗਿਆ। ਬੁੱਢੇ ਕੋਲ ਇੱਕ ਪਤਲਾ ਕੰਬਲ ਹੈ ਪਰ ਦੇਸ਼ ਵਿੱਚ ਪੈ ਰਹੀ ਕੜਾਕੇ ਦੀ ਠੰਡ ਨਾਲ ਨਜਿੱਠਣ ਲਈ ਇਹ ਕਾਫ਼ੀ ਨਹੀਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕਾਨਪੁਰ ਵਿੱਚ ਘੱਟੋ-ਘੱਟ ਤਾਪਮਾਨ 8-9 ਡਿਗਰੀ ਦੇ ਵਿਚਕਾਰ ਹੈ। ਜਦੋਂ ਲੋਕਾਂ ਨੇ ਬਜ਼ੁਰਗ ਨੂੰ ਇਸ ਤਰ੍ਹਾਂ ਦੇਖਿਆ ਤਾਂ ਉਨ੍ਹਾਂ ਨੇ ਉਸ ਨੂੰ ਪੁੱਛਿਆ ਕਿ ਉਹ ਇੱਥੇ ਕਿਉਂ ਪਿਆ ਹੈ? ਜਵਾਬ ਵਿੱਚ ਬਜ਼ੁਰਗ ਨੇ ਕਿਹਾ ਕਿ ਮੈਨੂੰ ਠੰਡ ਲੱਗ ਰਹੀ ਸੀ ਇਸ ਲਈ ਮੈਂ ਇੱਥੇ ਆ ਕੇ ਸੌਂ ਗਿਆ।